Recent Posts
-
32. Traballar desde a casa despois do coronavirus
Agora que hai tanta xente traballando desde a casa, no Té con Gotas queremos explorar un pouco máis a cuestión do teletraballo. Falamos das nosas experiencias sen ir á oficina e entrevistamos a Alan Felstead, profesor na facultade de ciencias sociais da Universidade de Cardiff e que ten feitas moitas investigacións sobre o traballo desde a casa. Esta é a primeira entrevista que facemos en inglés, así que moitas grazas a Saleta Chao por axudarnos coa dobraxe.
-
31. Corentena e gasto público contra as múltiples crises do Covid-19
Dez días despois que en Galiza, o Reino Unido decretou oficialmente este luns o confinamento total dos seus cidadáns na casa. A diferenza é que aquí poderase saír facer exercicio durante unha hora ao día e mantendo a distancia social, ademais de saír para facer a compra, ir traballar ou ir ao médico. Neste episodio falaremos das últimas medidas do Goberno de Boris Johnson para controlar a pandemia e do plan económico adiantado polo primeiro ministro e polo Banco Central de Inglaterra para evitar unha crise económica de dimensións colosais. Ademais, entrevistamos a María Longueira, unha enfermeira coruñesa que traballa na Unidade de Coidados Intensivos (UCI) para adultos do Hospital Universitario de Wales, na cidade de Cardiff.
-
30. Boris contra o Coronavirus
Os nosos ouvintes en Galiza estarán pechados na casa baixo ameaza de multa. Pero aquí no Reino Unido as medidas para loitar contra o coronavirus son máis suaves. É que até hai moi pouco a estratexia do goberno non era máis ca mitigar a expansión da enfermidade, pero sen aspirar a contela. No podcast de hoxe falamos da política do goberno de Boris Johnson sobre o coronavirus e entrevistamos a Natalia Cabana, enfermeira no hospital St George’s do sur de Londres.
-
29. A House of Lords e o coronavirus
No podcast desta semana falamos dunha institución que sempre chama a atención de calquera recén chegado á política británica: a Cámara dos Lores. Unha das partes fundamentais do parlamento de Westminster que está elixida pola nobreza e o clero.
-
28. O Laborismo post-Corbyn. Quen gañará as primarias?
Logo dos malos resultados colleitados polo Partido Laborista, Jeremy Corbyn anunciou que dimitiría como líder en canto se escolle a un substituto ou unha substituta. O movemento laborista, que inclúe tanto ao partido como aos sindicatos, leva inmerso varios meses nunhas primarias que culminarán o 5 de abril, o mesmo día que Galiza escolle o seu parlamento. No podcast desta semana analizamos as tres candidaturas e falamos dos temas clave da campaña.
-
27. Peñas galegas no Reino Unido: os London Celtas e os RCD London
Neste episodio falamos de fútbol e de como este deporte pode construir comunidade entre os galegos e galegas do Reino Unido. Conversaremos con María Sabarís, voceira da peña celtista London Celtas, e con Sergio Gantes, vicepresidente da peña deportivista RCD London, que nos contarán como botaron a andar ambos colectivos e como a paixón por Celta e Deportivo tamén serve para facer sentir na casa a quen emigra. Atentos ao final, que lles arrincamos un compromiso para este ano…
-
[Especial] O Té con Gotas no atentado de Streatham
O último atentado yihadista en Londres colleu aos dous presentadores do Té con Gotas a uns 480 metros de distancia. Así como o viron.
-
26. O día no que o Reino Unido marchou da Unión Europea
Logo de case catro anos desde o referendo de 2016, finalmente o Reino Unido sae hoxe da Unión Europea. Neste podcast especial falamos das tarefas que ten por diante o goberno británico neste 2020 e reflexionamos sobre como se cubren estes temas na prensa galega e española.
-
25. Despois do Brexit chega o Megxit e entrevista con Vuela Más Alto
Hoxe falaremos do culebrón na Casa Real, explicando por que é un problema para a Coroa e cales son os detalles máis peliagudos deste Megxit que leva unha semana ocupando […]
-
24. Benvidos a Borisland
Neste episodio analizamos o resultado das eleccións británicas do pasado xoves 12 de Decembro, nas que o partido Conservador de Boris Johnson gañou con maioría absoluta. Falaremos da caída do […]